Италијанските фудбалски гиганти Милан и Интер на градските власти на Милано им доставија досие за изградба на нов стадион во областа Сан Сиро, со што направија значаен чекор кон реализација на овој амбициозен проект.

Според планот, клубовите имаат намера да го преземат од градот 98-годишниот стадион и околината, додека изградбата на самиот нов стадион со капацитет од 71.500 седишта би требало да чини околу 700 милиони евра.

Покрај стадионот, проектот опфаќа и развој на околината во спортска тврдина со музеј, продавници, канцеларии, хотел и зелена зона.

Во план е и „повторна функционалност“ на легендарниот стадион „Сан Сиро“, официјално наречен Џузепе Меаца, а се очекува овој дел од проектот да чини дополнителни 500 милиони евра.

Се очекува новиот стадион да биде завршен до 2031 година.