На денешен ден 1928 година, Мики Маус за прв пат се појави во звучниот цртан филм „Парабродот Вили“ (Steamboat Willie).

„Парабродот Вили“ е краткометражен цртан филм кој го режирале Волт Дизни и Уб Иверкс. Во црно-бела боја, од продуцентската куќа Walt Disney Studios.

Во ова остварување прв пат се појавува Мики Маус, како и неговата девојка Мини. Ова е воедно и првиот филм на Дизни со синхронизиран звук, како и прво остварување со оригинална музика. Волт Дизни давал глас за сите ликови, иако е мала количината на разбирлив говор.

Веднаш после премиерата на „Парабродот Вили“ тој стана најпопуларниот цртан на своето време.

Филмот доби позитивна критика на глобално ниво, не само поради работата и ликовите, туку и поради техничката иновација.

Во 1994 година „Парабродот Вили“ е ствен во листата 50 најдобри цртани филмови на сите времиња, завземајќи го 13-то место. Американскиот Национален филмски регистар го карактеризарал како „културолошки, историски и естетски значајно остварување“.