Премиерот Христијан Мицкоски не открива детали за тоа дали македонските власти соработуваат со албанските власти за пронаоѓање на поранешниот вицепремиер, Артан Груби, за кој се шпекулираше дека е во Албанија, ниту дали соработуваат со други земји.

-Не би сакал да шпекулирам, но јас ги повикувам сите оние кои се бегалци од правдата, да дојдат и да се соочат фактите, аргументите и доказите пред органите, за да можеме да извлечеме заклучок дали се тие виновни за тоа за кое постои основано сомневање или не се виновни. Не би можел да откривам други детали за бегалците од правдата – рече Мицкоски.

Поранешниот заменик на владата ја напушти земјава откако за него беше отворена истрага поврзана со злоупотреби во „Државна лотарија“ и засега нема официјална информација каде се наоѓа.