Македонската пливачка Миа Блажевска Еминова собори пет национални рекорди на меѓународниот пливачки натпревар „Гран при Зрењанин куп“ кој се одржа изминатиот викенд во соседна Србија.

Блажевска Еминова освен што постави пет национални рекорди, таа исполни и Б норма за настап на Светското првенство во пливање кое во декември ќе се одржи во Дубаи, Обединети Арапски Емирати.

Блажевска Еминова на трката на 100 метри слободно постави нов младински рекорд со време од 55.60 секунди, на 100 метри пеперутка новиот младински и апсолутен македонски рекорд изнесува 1:01.22 минути.

Младата пливачка која изминатото лето настапи и на Олимписките игри во Токио, постави нов младински и апсолутен рекорд и на 50 метри грбно, а новото најдобро време изнесува 28.76 секунди.