Мемоарите на Бритни Спирс го принудија Џастин Тимберлејк да направи голема промена на Инстаграм
Целиот свет зборува за мемоарите на поп-ѕвездата Бритни Спирс (41) со наслов „The Woman in Me“, во кој е детално опишан нејзиниот приватен живот.
Препорачано
Меѓу сите приватни детали, пејачката откри дека нејзиното поранешно момче, пејачот Џастин Тимберлејк (42) ја натерал да испие апче за абортус. Откако го објави тоа јавно, следбениците на Џастин почнаа да го напаѓаат на социјалните мрежи, поради што тој беше принуден да направи голема промена на Инстаграм, пишува „Пејџ сикс“.
Пејачот всушност ги исклучи коментарите на сите објави на неговиот инстаграм-профил.
„Џастин ја донесе оваа одлука поради коментарите со омраза и одвратните работи кои му ги пишуваа луѓето“, пренесува „Пејџ сикс“ од извор близок на пејачот.
Во мемоарите Бритни пишува дека Џастин воопшто не бил среќен за бременоста, мислел дека и двајцата се премногу млади за да имаат дете, па ѝ дал апчиња за абортус и ѝрекол дека сè ќе биде добро.
„Отидов во тоалет и останав таму со часови. Продолжив да плачам и да врескам додека не заврши сè. Не се сеќавам како заврши, но се сеќавам, 20 години подоцна, на болката и стравот“, напишала пејачката во своите мемоари.
Иако на својот инстаграм-профил Џастин ја укина можноста за коментирање, корисниците на социјалниот медиум Икс не престануваат да пишуваат коментари со омраза.
the fact that Justin Timberlake asked Britney Spears to have an abortion, forced her to do it at home bc he didn’t want the press, and then sat there and played GUITAR while she was on the bathroom floor in pain?!?!?!?!?!? that man is beyond dead to me bc wtf pic.twitter.com/rtv1tAKl30
— orca supporter (@justmarahere) October 26, 2023
„Фактот што Џастин Тимберлејк ја замолил Бритни Спирс да абортира, ја принудил тоа да го направи дома затоа што не сакал да излезе во весниците, а потоа седел и свирел гитара додека таа лежела на подот во бањата од болка. Тој човек за мене е повеќе од мртов“, грубо напиша еден корисник.
Currently listening to the audiobook of the Britney autobiography and Justin Timberlake must pay for his crimes.
— Sexy Miss Trunchbull (@ChristinaMcMc) October 27, 2023
„Во моментов ја слушам аудио-книгата од автобиографијата на Бритни и Џастин Тимберлејк мора да плати за неговите злосторства“, изјави друг корисник.
