После стартниот триумф над исландскиот Валур на домашен терен, денеска од 18.45 часот ракометниот клуб Вардар 1961 ќе го игра вториот натпревар од групата Ф во ЕХФ Европската лига на гости против Мелсунген.

И Германците славеа во првото коло против Порто во Португалија со 24:29.

Мелсунген, во последниот ЕХФ ранкинг, се вбројува меѓу кандидатите за освојување на пехарот оваа сезона во натпреварувањето.

Составот на Вардар за денешниот меч: Аларов, Стојановски, Георгиевски, Родригез Родригез, Крсманчиќ, Таноски, Кооиј, Лазаревски, Срдановиќ, Николиќ, Петриќ, Маргели, Борозан, Кордеиро Мело.

Во редовите на Мелсунген настапува поранешниот играч на скопските „црвено-црни“ Даинис Кристопанс, а на клупата е поранешниот стратег на Вардар Роберто Гарсија Парондо.