Велика Британија, Франција, Германија и уште 30 други земји денеска ја изразија својата поддршка за ЛГБТИ заедницата во Унгарија и за Парадата на гордоста што требаше да се одржи на 28 јуни во Будимпешта, но која беше забранета од полицијата откако владата ја осуди како потенцијално штетна за децата, пишува „Ројтерс“.

Соединетите Американски Држави, чиј претседател Доналд Трамп го дели сомнежот на унгарскиот премиер Виктор Орбан во врска со напорите за промовирање на различноста и трансродовите права, не потпишаа изјава од западните амбасади за поддршка на маршот.

Парламентот, каде што партијата Фидес на Орбан има мнозинство, во март донесе закон со кој се создаде правна основа за забрана на ЛГБТИ Парадите на гордоста врз основа на тоа дека заштитата на децата има предност пред правото на собирање.