Министерот за здравство Фатмир Меџити денеска соопшти дека во петокот, 22 декември 2023 година е завршена инсталацијата на линеарниот акцелератор на Клиниката за онкологија.

Се инсталира новиот акцелератор на Онокологија, ќе биде во функција за три – четири месеци

-Акцелераторот е инсталиран на Клиниката за онкологија, исполнивме уште едно ветување. Од страна на производителот и одговорните физичари во установата е потпишан Final Acceptance Certificate – документ со којшто се потврдува дека медицинскиот апарат е инсталиран во целосна согласност со сите спецификации на проектите, составен и инсталиран следејќи ги сите упатства и технички барања согласно производителот Varian Medical Systems, вели Меџити.

Тој додава дека во наредниот период се очекува воведување во работата и започнување со зрачна терапија на пациентите.

Клиниката за онкологија платила 16 илјади евра за акцелератор да „фаќа прашина“ во депо и да му истече гаранцијата, наместо да се користи за болните од рак