Медведев: Советот Украина-НАТО ќе престане да постои, бидејќи една од земјите во него ќе исчезне
Советот Украина-НАТО ќе престане да постои, бидејќи една од земјите во него ќе исчезне, напиша на англиски заменик-претседателот на Советот за безбедност на Русија Дмитриј Медведев на Твитер, цитираат руските медиуми.
Медведев потсети дека Советот Русија-НАТО е формиран во 2002 година и „сите знаат како завршил“.
„Овој пат ќе заврши поинаку. Советот ќе престане да постои, бидејќи една од земјите ќе исчезне“, напиша тој.
Инаку шефовите на држави или влади на членките на НАТО на Самитот во Вилнус донесоа важни одлуки во критичен момент за нашата безбедност, изјави денеска генералниот секретар на Алијансата, Јенс Столтенберг.
Вториот елемент, како што нагласи, е формирањето на новиот Совет НАТО-Украина, замислен како форум за кризни консултации и одлучување, каде што двете страни ќе настапат како рамноправни партнери, кој утре ќе го има својот прв состанок на кој ќе присуствува и украинскиот претседател Володимир Зеленски.