Првиот светски тенисер Русинот Данил Медведев би можел да биде исфрлен од сите тениски турнири, вклучувајќи ги и Грен слемовите.

Според шпанскиот „Ас“, првиот човек на Украинската тениска асоцијација Сева Кевлич побара од ИТФ да ги исфрли руските тенисери од сите натпреварувања.

Минатата недела ИТФ ги откажа сите турнири во Русија и Белорусија, а наводно е предлог за исклучување на руските тенисери од сите натпреварувања.

Медведев и неговиот колега од Дејвис купот Андреј Рубљов пред неколку дена испратија антивоени пораки.

– Гледањето на вестите за војната и будењето овде во Мексико не е лесно. Како тенисер сакам да промовирам мир во светот. Играме во толку многу различни земји, бев во толку многу земји како јуниор и професионалец… Не е лесно да се слушаат сите овие вести. Јас сум за мир – рече Медведев.