За да се избегне ризикот од кражба на податоци, важно е да знаете што никогаш не треба да споделувате со чет-ботови.

Иако чет-ботовите можат да делуваат како сигурни и паметни асистенти, експертите ги предупредуваат корисниците да не споделуваат лични информации со нив.

Со порастот на популарноста на вештачката интелигенција, многу луѓе почнаа да се потпираат на неа за сите видови прашања, вклучително и здравствени проблеми, пишува „Њујорк пост“.

Сепак, експертите нагласуваат дека постојат неколку важни причини да се биде претпазлив.

Според истражувањето спроведено од Клиниката во Кливленд, секој петти Американец веќе побарал медицински совет од вештачката интелигенција, додека истражувањето на компанијата „Тебра“ покажува дека околу 25 отсто од Американците претпочитаат да користат чет-ботови наместо традиционални тераписки сесии.

Сепак, иако ова е растечки тренд, експертите предупредуваат дека не треба премногу да се потпираме на вештачката интелигенција за деликатни информации, особено кога станува збор за здравјето.

Медицински совети и информации

Еден од најголемите ризици при користењето вештачка интелигенција за здравствени совети е недостатокот на законска усогласеност.

Чет-ботови како ChatGPT не се усогласени со стандардите на HIPAA, што значи дека нивната употреба во клинички амбиент, за сумирање на белешки од пациентите или складирање чувствителни податоци, може да претставува сериозен ризик.

Значи, иако вештачката интелигенција може брзо да дава одговори, таа никогаш не треба да споделува медицински или лични информации, бидејќи тие податоци не се заштитени.

Избегнувајте лични информации

Ако сепак одлучите да комуницирате со чет-бот со вештачка интелигенција, експертите советуваат никогаш да не споделувате лични информации, како што се вашето име, адреса, телефонски број, броеви на банкарска картичка или лозинки.

Оваа информација може да биде злоупотребена од злонамерници. Затоа, се препорачува да се заменат чувствителните податоци со ѕвездички (*) или едноставно да се напише „REDACTED“.

Не поставувајте експлицитни или незаконски барања

Освен личните податоци, вештачката интелигенција не треба да се користи за да се направат експлицитни барања или да се бара незаконски совет.

Секоја интеракција со чет-бот може да се користи како доказ против вас во случај на злоупотреба на податоците или обид за незаконски дејствија.

Деловни и доверливи документи

Кога станува збор за деловни информации, исклучително е важно да не објавувате доверливи документи како што се деловни извештаи, документи за интелектуална сопственост или информации за платата на вработените.

Поставувањето на тие документи на платформа за вештачка интелигенција може да доведе до протекување на доверливи податоци и трговски тајни.