Во скопското село Кучевиште вчера на 10.04.2020 околу 18.00 часот во СВР Скопје било пријавено дека на ул.„7“ по претходна расправија поради меѓусебна нетрпеливост, дошло до нарушување на јавниот ред и мир, информира МВР.

Министерството информира дека физичка пресметка избила помеѓу М.Г.(29), С.Г(51) и М.Г.(63), од една страна, и М.Г.(74), С.Г.(47), В.Г.(42) и С.Г.(49), од друга страна, сите од с.Кучевиште, при што со тешки телесни повреди се здобиле М.Г.(74) и М.Г.(63).

Повредените биле пренесени во Комплекс клиники „Мајка Тереза“ за укажување на лекарска помош. Увид на местото на настанот извршила екипа од СВР Скопје и се преземаат мерки за расчистување на случајот.