Од целиот регион од вчера стигнуваат честитки за српската пејачка Марија Шерифовиќ, која доби син со помош на сурогат мајка.

Марија со години сонувала да има свој наследник и тој сон конечно ѝ се остварил, а нејзиниот син се родил на клиника во Лос Анџелес.

Како што открива Шерифовиќ, процесот траел долго.

– Ух… Па, мојот процес на донесување одлуки траеше долго. Но, кога првпат пресеков и реков тоа е тоа, веднаш се останато некако си одеше само по себе… Има голема помош од Оној одозгора – вели Марија Шерифовиќ и додава:

– Потребно е да се информирате, да ги соберете околу вас вистинските луѓе, чесни и професионални. Не сакам претерано да поедноставувам, бидејќи постапката е напорна и емотивно и административно, сепак не е невозможна. На прво место, важно е законски да регулирате сè на време. Потоа следува медицинскиот дел, терапии, екстракција на јајце клетки, нивно пренесување, па добра агенција која ги застапува правата на сурогат мајките и лекар кој ја следи бременоста. Долг пат, но кога има волја, секогаш постои начин. Огромна желба да ја подарам некому сета оваа љубов што ја имам… Безрезервно… Тоа е на прво место – изјавила пејачката.

Многумина ги интересира кој е татко на детето на Марија Шерифоваќ, но таа не сака да открие.

– Поради договорот за приватност не можам да ги споделам сите информации, но она што можам да го кажам е дека кога ќе дојде време, Марио ќе знае сè за тоа – Марија зборува и открива дека таа е наведена како единствен родител во документите.

– Така е. Јас сум негова биолошка мајка и во документи сум заведена како единствен родител – рече Шерифовиќ, која ги реши сомнежите и истакна дека во генетска смисла таа е Мајката на Марио, а тоа со законот на Република Србија е признаено како мајка.

– И генетски и административно и во секоја друга смисла јас сум мајка на Марио, секој негов мал атом што доаѓа од ДНК на неговата мајка е мој – вели пејачката, а на прашањето дали момчето личи на неа вели:

– Па, тој е уште многу мал за да судам. Има време за тоа – истакнува Марија и зборува за односот што го има со сурогат мајката.

– Тоа е жената која помогна да се исполни мојата најголема желба во животот. Имавме најблиска можна врска, се слушавме секој ден, заедно ги поминувавме сите предизвици на бременоста, заедно одевме на прегледи – изјави таа.