Во бранот биографски филмови за музички ѕвезди како Фреди Меркјури, Елтон Џон, Боб Дилан, Боб Марли, Мили Ванили …) гласините се сè погласни за биографски филм за австралиската ѕвезда Кајли Миног. Многумина, вклучително и самата пејачка, беа воодушевени од веста дека улогата ѝ е понудена на Марго Роби. Сепак, за изненадување на сите, Марго ја одби главната улога во потенцијалниот биографски филм за Кајли Миног, пипува „Дејли Мејл“.

Веќе можеме да замислиме, тоа би била идеалната комбинација и воопшто не би била потребна аудиција – Марго Роби (35) како младата Кајли Миног која денес има 57 години … во филм за животот на австралиската поп-икона. Всушност, поранешната Барби дури беше и омилен избор на пејачката. Миног еднаш ентузијастички зборуваше во едно интервју за потенцијални актерки за биографски филм за нејзиниот живот:

„Марго Роби – тоа би бил мојот сон. Таа дефинитивно би имала австралиски акцент“, рече Кајли Миног.

Сепак, тоа нема да се случи, а Марго Роби ја даде причината сосема искрено …

„Ова е лудо добра вест“, рече актерката, според „Сан“ кога ѝ беше кажано дека таа е првиот избор на Миног за улогата. „Неверојатно сум почестена. Но, секако, не можам да го направам тоа. Не можам да пеам како Кајли“, рече Роби. Актерката го оправда своето одбивање на улогата со своите принципи:

„Не ми се допаѓа кога луѓе кои не можат да пеат глумат во мјузикли“.

Сепак, двете Австралијки се сретнаа, а актерката раскажа за таа незаборавна средба со пејачката на „I Should Be So Lucky“.

„Мојот тим се јави и рече: „Кајли Миног сака да те запознае“, а јас си помислив: „О, Боже, ова е најдобриот ден во мојот живот“, се присети Марго. Претпостави дека е за добротворен настан. Отидов во Шато Мармонт во Лос Анџелес, и таа седеше таму – најкул, најтопло, најбожествено суштество што можете да го замислите“, воодушевено рече Марго.

Сепак, двете не зборуваа за бизнис во тоа време. „Само се напивме заедно“, рече таа.