Модна агенција од Њујорк отпушти манекенка и дизајнерка на ентериер, откако таа објави антисемитски пораки на социјалните медиуми, споредувајќи го израелскиот народ со нацистите.

Имено, 35-годишната Камила Детере повеќе нема да биде застапувана од „Елит Њујорк“, според портпаролот на агенцијата.

Раскинувањето на нејзиниот договор доаѓа откако „Стоп за антисемитизмот“, која себеси се нарекува „водечка непартиска организација во Америка која се бори против антисемитизмот“, ги сподели нејзините објави на Инстаграм, во кои таа го споредува Израел со нацистичка Германија.

Една објава вклучувала споредба меѓу „идеологијата“ на Израел и нацистичка Германија, при што двете страни, рече таа, „избркаа милиони од своите домови и извршија масовни убиства“.

Портпаролот на „Елит Њујорк“ потврди за „Њујорк пост“ дека Детере е отпуштена, но одби да даде причина.

Детере е родена во Менхетен и работела во фирмата за внатрешен дизајн „Роман и Вилијамс“, која, меѓу другото, го уредила и имотот на Гвинет Палтроу во Монтесито, Калифорнија.

Таа е ќерка на Ана Опиц, која беше сосопственик на вотка-барот „Правда“ во Њујорк, познато збирно место на бројни познати личности, кое се затвори по 20 години.