Манчестер Јунајтед му го понуди Ентони Марсијал на Реал Мадрид за нова опција во нападот на шпанскиот гигант.

Напаѓачот го започна последниот меч како стартер, но по опоравувањето на Расмус Хојлунд се очекува да остане втор избор.

„Кралевите“, од своја страна, се без центарфор освен Хоселу и покрај трите последователни победи од почетокот на сезоната.

Џуд Белингем се истакна со реализацијата и веќе има четири гола, но повредата на Винисиус дополнително ги намали опциите на тренерот на Реал Мадрид, Карло Анчелоти.

Французинот Марсијал пристигна на „Олд Трафорд“ за 50 милиони фунти од Монако, но не ја понуди константноста потребна за да го води нападот на „црвените ѓаволи“.