Одлуката на Европскиот суд на правдата за Суперлигата предизвика бројни реакции. По одлуката дека ФИФА и УЕФА незаконски го блокирале формирањето на ново натпреварување, реакција од Цирих стигна од седиштето на светската куќа на фудбалот.

– ФИФА ја зеде предвид одлуката на Европскиот суд на правдата во врска со Супер лигата на УЕФА. ФИФА ќе ја анализира одлуката во координација со УЕФА, другите конфедерации и асоцијации членки пред да даде дополнителни коментари. Во согласност со Статутот, ФИФА цврсто верува во специфичната природа на спортот, вклучително и структурата на пирамидата која се заснова на спортски основи, како и на принципите на натпреварувачка рамнотежа и финансиска солидарност. Фудбалот го должи својот успех на гореспоменатите принципи, кои ФИФА, конфедерациите и асоцијациите членки ќе продолжат да ги промовираат во иднина во интерес на фудбалот и навивачите ширум светот – се вели во соопштението на ФИФА.

Некако во исто време пристигнаа реакции од дел од клубовите кои првично беа меѓу 12-те кои сакаа да го формираат натпреварувањето.

Манчестер јунајтед ќе остане верен на принципите на УЕФА.

– Нашиот став останува непроменет. Остануваме целосно посветени на учество во натпреварувањата на УЕФА и позитивна соработка со УЕФА, Премиер лигата и другите клубови од Европската клупска асоцијација преку континуиран развој на европскиот фудбал – велат од „Олд Трафорд“.

United’s response to today’s European Super League judgement.#MUFC

— Manchester United (@ManUtd) December 21, 2023

И Атлетико Мадрид не е за европска Суперлига.

– Европското фудбалско семејство не сака европска суперлига, Германија, Франција, Англија, Италија и Шпанија (со исклучок на Барселона и Реал Мадрид), не ја сакаат Суперлигата. Ние сме за заштита на големото европско семејство, за заштита на домашните лиги и преку нив квалификување за европските натпреварувања на теренот секоја сезона – стои во соопштението на клубот од Мадрид.

Statement from Jan-Christian Dreesen on today’s judgement by the European Court of Justice ⤵️

— FC Bayern Munich (@FCBayernEN) December 21, 2023

Слично соопштение дојде и од Баерн.

– Натпреварување од ваков вид би претставувало напад на важноста на домашните лиги и статиката на европскиот фудбал. Бундеслигата е основата на Баерн, исто како што националните лиги се основата на другите европски клубови. Оттука, тоа е наша должност и длабоко убедување да ги зајакнеме, а не да ги ослабиме. Ги поддржуваме и европските клупски натпреварувања под капата на УЕФА. Да бидеме појасни уште еднаш, вратата за Суперлигата од Баерн останува затворена – се вели во соопштението потпишано од Јан-Кристијан Дресен, извршниот директор на Баварците.