Во одлучувачкиот натпревар за пласман во главната фаза на Европското првенство, Македонија загуби од Австрија со 32:28 и така се прости од континенталниот собир.

Дефинитивно најлошата партија на селекцијата на Данило Брестовац, а најголем „виновник“ за тоа беше австрискиот голман Ајхбергер и после само три натпревари на ЕП „црвено-жолтите“ ги пакуваат куферите и се враќаат дома.

Нашето лево крило, Дејан Манасков немаше многу зборови после поразот од Австрија и елиминацијата од Европското првенство.

– Им дозволивме да реализираат лесни голови, нашите шанси не ги реализиравме. Им дадовме многу топки во раце на ривалите. Исто така не можевме да најдеме решение за нивната одбрана. Тие се причината за нашата елиминација – вели Манасков, играчот на унгарскиот клуб Веспрем.