Емисијата „Мамавизија“ започнува вечерва со приказната за мајката Наташа Атанасовска, мајка на Лена, Луна и Лазар, сопруга на популарниот музичар Горан Папаз. Ова е прва бременост на Наташа, а веста дека носи тројка ја примила со огромно изненадување и неверување, но од самиот почеток до крај го поднела многу стабилно, свесно и без некакви проблеми.

Трите бебиња се зачнати природно, бременоста ѝ била нормална без тешкотии, но со огромна поддршка на Папаз кој бил беспрекорен во неговата улога, од масажи на стапалата, до превезување со автомобилот како за редовните контроли, така и за останати потреби на идната мајка.

Денес животот им е комплетно сменет, одеднаш дома имаат три бебиња, секое со свои потреби, но задоволни се од тоа како се организираат.
Ексклузивно пред камерата на „Слободен печат“ зборуваат отворено за тоа како ја прифатиле оваа голема вест, за лекарите, целиот процес во текот на бременоста, за породувањето и за тоа како им изгледа денес секојдневното откако во нивното семејство бебешкиот плач се слуша тројно. Погледнете го разговор со Горан Папаз и Наташа Атанасовска во првата епизода на „Мамавизија“ со водителката Александра Вуксановиќ.