„Слободен печат“  започнува нов проект со кој ќе бидеме единствени, уникатни и ќе отскокнуваме во медиумскиот етер. Во нашиот нов серијал насловен „Мамавизија“ на пиедестал ја ставаме мајката.

Ќе се обидеме да ви донесеме посебни приказни за мајките, невообичаени семејства, мајки на близнаци, тројки, мајки на посвоени дечиња, мајки на деца со посебни потреби, ќе се потрудиме да ги донесеме мајките на познатите личности, ќе најдеме начин да ги инспирираме познатите да зборуваат за нивната мајка, ќе раскажуваме и за мајките коишто повеќе не се меѓу нас, за мајките што не смееме да дозволиме да бидат заборавени.

Заедно ќе се радуваме, ќе се смееме, ќе плачеме и ќе се воодушевуваме на нејзиното височество – мајката!
Секоја мајка е хероина за своето дете. Гледајте „Мамавизија“, премиерно секоја среда во 20 часот на јутјуб-каналот на „Слободен печат“.