Претставничката на Малта беше апсолутен фаворит за победа на Евровизија оваа година и со месеци не се симна од првото место во обложувалниците…

Но, првата проба смени сè. Имено, на многумина не им се допаднал нејзиниот перформанс и модната комбинација.

ВИДЕО: Васил Гарванлиев имаше одлична прва проба на евровизиската сцена во Ротердам

Во неделата во Ротердам се одржаа првите проби за Евровизија, а нашиот претставник Васил Гарванлиев беше пофален за неговиот настап. Васил доби позитивни критики од љубителите на Евровизија на социјалните мрежи, а има и пофалби за стајлингот, креација на модниот дизајнер Раде Василев.

18-годишната Дестини која ја претставува Малта беше апсолутен фаворит на многумина до првата официјална проба. По пробата таа падна на второто место во обложувалниците, а на нејзино место се најде француската претставничка Барбара Прави, која сè уште не ја направила пробата.

Дестини носеше розова комбинација која не криеше премногу, а носеше и чизми со иста боја кои цело време ѝ паѓаа под нејзините колена за време на настапот.

Несомнено, обожавателите на шоуто се воодушевени од нејзиниот вокал, но многумина беа разочарани од сценскиот настап и стајлингот.

Дури и сериозните критичари на Евровизија, како што е тимот на „Wiwibloggs“ велат дека сценскиот перформанс е многу лош – не само поради стајлингот и фактот дека Дестини не танцува, туку и поради нејзината несигурност на сцената.

Обложувалниците предвидуваат: Малта ќе биде победникот на Евровизија!

Иако многумина се обложуваа на Малта како конечен победник, ситуацијата сепак може да се покаже нешто поинаку.

Евросонгот ќе се одржи од 18 до 22 мај, во две полуфинални вечери и големото финале, а Гарванлиев ќе настапува во првото полуфинале, 6-ти по ред.