СВР Скопје денеска до надлежното обвинителство поднел кривична пријава против малолетник кој синоќа удрил пешаци во Скопје.

Од МВР денеска соопштија дека синоќа во 22:00 часот во СВР Скопје, било пријавено дека на крстосницата од ул.„Дринска“ и ул.„Галичица“ во Скопје патничко возило „ауди“ со скопски регистарски ознаки, управувано од 17- годишен малолетник од Косово, удрило во пешаците С.И.(18) и 17-годишна малолетничка, двајцата од Скопје.

– Во несреќата со тешки телесни повреди се здобил С.И., додека малолетничката се здобила со телесни повреди, констатирани во Градската општа болница „Св.Наум Охридски“. Возачот е задржан во полициска станица и против него е поднесена кривична пријава по брза постапка, соопштија од МВР.