Италијанец кој во својата куќа држал редок вид змија, како и други животни чие чување е забрането со закон, е казнет со 4.500 евра.

Казната следувала речиси две години по инцидентот, кога песочната змија го гризнала својот сопственик, 30-годишен маж, кој потоа завршил во болница, но за среќа, животот му го спасил противотров набавен во Швајцарија, објави „Кориере дела Сера“.

По тој инцидент, било откриено дека тој држел и други ретки видови животни во куќата, како и змии и алигатори, чие чување е забрането со закон.

Казната следувала по низа сериозни прекршоци, а младиот човек ќе мора да плати значителна парична казна.