Возачот на „Ред Бул“ и актуелен светски шампион во Формула 1, Макс Ферстапен е победник на трката за Големата награда на Италија што денеска се одржа на патеката во Монца.

Холанѓанецот Ферстапен стигна до својата рекордна 10 последователна победа во Ф1 со време од 1:12:13.618. Стигна до 47 победа во кариерата и 12 сезонава на патеката Монца. „Ред Бул“ е и првиот тим во историјата кој постигнал 15 последователни победи во Формула 1.

Второто место на Италијанското ГП го освои уште еден возач на „Ред Бул“, Мексиканецот Серхио Перес, кој заостана 7.686 секунди зад победникот. Третата позиција му припадна на Шпанецот Карлос Саинц од „Ферари“, додека четврти беше неговиот тимски колега Шарл Леклер. Петтото и шестото место ги освоија возачите на „Мерцедес“, Џорџ Расел и Луис Хамилтон.

10 WINS IN A ROW! ?

MAX MAKES MORE F1 HISTORY ? pic.twitter.com/ofApjXWWzh

— ESPN F1 (@ESPNF1) September 3, 2023

Возачот на „Вилијамс“, Александар Албон беше седми, осмото место го зазеде Ландо Норис од „Мекларен“, деветти беше Фернандо Алонсо од „Астон Мартин“, 10 позиција ја освои Валтери Ботас од „Алфа Ромео“.

Ферстапен го држи првото место во генералниот пласман кај возачите со 364 бодови, додека Перес е втор со 219. Следната трка во Ф1 шампионатот ќе се одржи на 17 септември за Големата награда на Сингапур.