Францускиот претседател Емануел Макрон најави формирање на 238 нови полициски единици во земјата, од кои повеќето ќе бидат прераспоредени на терен во руралните и приградските области.

„Оваа инвестиција е историска. На луѓето им треба вашето присуство бидејќи тоа смирува, одвраќа и дава поддршка“, рече Макрон за време на посетата на касарната на жандармеријата во југозападна Франција.

Од 238 единици што ќе се формираат од ноември годинава до 2027 година, 93 ќе бидат фиксни, додека 145 ќе бидат мобилни.

Иако најголемиот дел од деликвентните дела се извршени во најголемите градови, во руралните и приградските области во Франција има многу сексуално и семејно насилство, како и кражби.