Шест македонски спортисти и уште четири судии заедно со своите тренери и официјалните лица од Македонскиот олимписки комитет ќе бидат дел од најголемиот спортски собир на планетата, Летните олимписки игри во Париз кои ќе се организираат од 26 јули до 11 август 2024 година.

Свеченото отворање за прв пат се одржува надвор од стадион, сите спортисти на Олимписките игри дефилираат со бродови на реката Сена која е долга шест километри.

Организаторите две години го подготвуваат теренот за парадата со бродови со кои се превезувани спортистите од 206 национални олимписки комитети.

Комплетната македонска делегација ја сочинуваат Дарио Ивановски (атлетика), Владимир Егоров (Борење/ до 57 кг, слободен стил), Никола Ѓуретановиќ (пливање/ 400 метри слободно), Анастасија Мојсовска (стрелаштво/10 метри воздушна пушка), Еди Шерифовски (џудо) и Мила Рељиќ (таеквондо). Македонски знаменосци беа Дарио Ивановски и Милјана Рељиќ.

Покрај спортистите, Македонија на ЛОИ ќе ја претставуваат и судиите Ѓорѓи Начевски и Славе Николов (ракомет), Иван Михајловски (триатлон) и Анета Павловска (тенис).

Македонското знаме се развеа на реката Сена и нашите спортисти им отпоздравуваа на присутните на свеченото отворање.