Изминатиот викенд на меѓународниот теквондо турнир „Херкулес гејмс“ во Белград (Србија) учествуваа повеќе од 10 земји од цела Европа со над 520 натпреварувачи.

И Македонија имаше свои натпреварувачи, „Хулк таеквондо академијата“ успеа да освои девет медали, од кои по еден златен и сребрен и седум бронзени.

Христијан Симоновски беше апсолутен шампион во кадетска конкуренција со три победи против учесници од Црна Гора, Србија и Унгарија.

Од теквондо клубот „Младост“ на истиот турнир настапија Давид Петковски, Ева Митевска, Сара Рамаданова и Дамјан Марковски.

Петковски се закити со сребрен медал, додека Митевска, Рамаданова и Марковски загубија во четвртфиналните борби.