Денеска во првото коло од главната фазан на Светското првенство македонската женска младинска ракометна репрезентација одигра реми 28:28 против Португалија.

По првото полувреме португалските ракометарки имаа минимална предност од 14:13.

Во текот на вториот дел нашата селекција стекна убава позитива од „плус четири“ (23:19, 25:21), но не успеа истата да ја задржи до самиот крај на средбата.

Најефикасна во македонската репрезентација беше Стефаноска со девет постигнати голови.

Следен натпревар за нашите млади ракометарки на Мундијалот е против селекцијата на Црна Гора, натпреварот е закажан за 25.06 (вторник) со почеток во 20.15 часот во СЦ „Борис Трајковски“.