Просечната месечна исплатена нето-плата по вработен во јули изнесувала 45.276 денари, а тоа е за 10,5 проценти повеќе отколку во истиот месец лани, покажуваат пресметките на Државниот завод за статистика (ДЗС).

Според ДЗС, Ваквото зголемување се должи пред сѐ на растот на платите во секторите: aдминистративни и помошни услужни дејности за 16,5 проценти, oбразование за 15% и дејности на здравствена и социјална заштита за 14,8 %.

Намалување на просечната месечна исплатена нето-плата по вработен, во однос на претходниот месец, е забележано во секторите: финансиски дејности и дејности на осигурување за 4 %, рударство и вадење на камен за 3,3 % и информации и комуникации за 3 %.

Просечната месечна бруто-плата, пак, во јули бил 68.102 денари.