Во првиот натпревар од третиот турнир во Европската златна лига во Осиек, најдобрата македонска машка одбојкарска репрезентација загуби од домаќинот Хрватска со 3:2 во сетови.

Првиот сет во кој имаше и најмногу поени го добија хрватските одбојкари со 33:31.

Успеавме да израмниме откако избраниците на селекторот Хари Наковски беа подобри во вториот сет со 25:17.

И третиот како во првиот сет донесе доста возбудувања и беше одлучен со два поени разлика, на крајот нашата селекција излезе како победник со 29:27 за 2:1 во сетови.

Хрватската селекција се врати во четвртиот сет кој го доби со 25:21, а во решавачкиот петти сет домаќинот славеше со 15:12, иако на стартот одржувавме минимално водство од 1:0, 2:1, 4:3, но при 6:6, противникот направи серија од 4:1, што беше клучно за крајниот исход.

Одличен во редовите на македонската репрезентација беше Н. Ѓоргиев со 35 поени, Ф. Савовски запиша 15, а В. Милев 12.

Кај Хрватите 29 поени имаше П. Дирлиќ, следен од М. Седлачек со 26.

Следниот меч Македонија ќе го има в сабота на 1 јуни против репрезентацијата на Шпанија од 19.00 часот.