Националните одбојкарски тимови на Македонија и Хрватска повторно одиграа четири сета во вториот пријателски натпревар во „Драш спорт“ во Марибор кој исто така имаше тренинг карактер и се играше зад затворени врати. Мечот заврши 2:2 (25:22, 20:25, 25:22, 31:29).

За разлика од првиот дуел кој го загубивме со 3:0, Македонија на вториот тест покажа многу подобра игра во сите елементи и понуди посилен отпор на Хрватите, кои веќе се во финална фаза на подготовките за настапот во ЦЕВ Европската Златна лига.

Селекторот Јошко Миленкоски одново комбинираше со поставата и им даде шанса на сите репрезентативци кои ги има на располагање во Марибор, што беше и целта на овие два натпревари.

Резултат не се бркаше, туку акцентот беше ставен на нашата игра и на она на што треба да се работи во следните 10 дена до првиот турнир од Европската Златна лига во Братислава.

Нашата репрезентација во понеделник се враќа од Словенија, а од вторник продолжува со подготовките во Струмица, која ќе биде биде база на екипата и во следниот период до патувањето за Словачка.