Македонските одбојкари напредуваа во Златната лига, им следува најважното
Македонија забележа скромен напредок во ЗЛ, каде го зазеде деветотото место, што е за едно место погоре од лани, а за две места подобро од преклани. Сега следува финиш на квалификациите за ЕП 2026, во кои црвено-жолтите имаат добри шанси да се изборат за учество на четвртиот континентален шампионат во низа
Македонската одбојкарска репрезентација ги заврши мечевите во Златната европска лига, а во август и следува она најважното. Македонија треба да се квалификува на Европското првенство 2026 што би би било учество на четврти европски самит во низа. Тоа е истакнувано како главна цел уште пред стартот на Златната лига.
Препорачано
Црвено-жолтите ќе играат два меча во август. Прво на 13 август играат како гости со Грција, а четири дена потоа во последниот меч од квалификациите се соочуваат со Грузија во Скопје. Нашиот тим е близу до успех во квалификациите како второпласиран во групата, но мора добро да одработи до крај за да ја постигне целта.
По настапите на европските првенства во 2019, 2021 и 2023 година би бил убав успех за македонскиот тим ако се пласира и на следното.
Настапот може да се оцени како успех
Настапот на црвено-жолтите во Златната лига, може да се оцени како успех, иако Македонија забележа само две победи во шест меча.
Во конечниот пласман Македонија е на деветотто место од 12 тима, што е подобрување во однос на претходните учества. Во Златната европска лига црвено-жолтите учествувале трипати, во 2023 се пласираа на 11. место, една година потоа се искачија за едно место погоре, а сезонава се деветтопласирани.
Во ранг-листите отскокнува Никола Ѓоргиев
Што се однесува до поединечниот ефект, најдобар впечаток на ранг-листите во неколку категории остави капитенот Никола Ѓоргиев. Ѓоргиев е на 10. место на листата за поентери со постигнато 92 поени вкупно, односно 4,6 поени по сет.
Во топ-20 на оваа листа е и Александар Љафтов, на 19. место со 68 поени или 3,4 поени по сет. Љафтов е и меѓу најдобрите 20 на листата за најдобри сервери, со вкупно седум аса. Никола Ѓоргиев е на листата најдобри смечери каде го зазема 12. место со просек од четири успешни смеча по сет во шесте меча, вкупно 151 смеч.
Филип Савовски е на 11. место на ранкингот за најдобри блокери со вкупно 13 успешни блокови од шест меча. Најдобар Македонец во рангирањето нз техничари е Ѓорѓи Ѓоргиев кој е на 16. место со процент на ефикасност од речиси 40 отсто.
Црна Гора не беше закана: Втора победа за одбојкарите во Златната лига!
