Двајцата репрезентативни голмани на Македонија, Никола Митревски и Марко Кизиќ добија место помеѓу најдобрите пет одбрани во ракометната Лига на шампиони.

Еурофарм Пелистер беше декласиран со 28:23 на гостувањето кај Алборг, но Кизиќ во овој натпревар блесна со одбрана која доби место помеѓу најдобрите. Со одбранетиот зицер кога во прилика за гол беше пивотот Бартход, Кизиќ се најде на третото место.

Никола Митревски беше еден од најзаслужните за камбекот на Порто против Целје. Португалскиот тим славеше со 30:29, а во моментите кога се враќаше резултатски во игра Митревски блесна со супер одбрана.

Одбраната на колото ја има голманот на Барселона, Емил Нилсен. Најдобрите одбрани можете да ги погледнете на официјалната страна на ЕХФ – ТУКА.