Како што известуваат кипарските медиуми, Етникос Ахна постигна договор со 32-годишниот фудбалер Стефан Ашковски.

Ашковски за најдобрата македонска репрезентација досега запиша вкупно 35 настапи.

Во првиот дел од оваа сезона нашиот играч ги бранеше боите на турскиот второлигаш Шанлиурфаспор со 13 настапи во тамошното првенство.

Во својата клупска кариера Ашковски беше дел и од Алашкерт, Ламија, Сепси, Ботошани, Славија Софија, Фортуна Ситард, Горник Лечна, Кајсери Ерчијеспор, Нови Пазар, Шкендија, Стромгодсет, Напредак, Доњи Срем, Партизан и Телеоптик.

Етникос Ахна сезонава игра во најсилната кипарска лига и моментно е на осмото место со 23 бодови.