Официјално, како што соопшти кипарскиот одбојкарски клуб Енозис Анагенизи, нов играч на екипата е 24-годишниот Стојан Илиев.

Македонскиот одбојкарски репрезентативец кој неодамна имаше настапи со националниот тим на Европското првенство.

Потсетување дека избраниците на селекторот Јошко Миленкоски на ЕП 2023 успеаја да стигнат до осминафиналето во кое беа елиминирани од Италија во Бари.

Во својата клупска кариера Илиев играше во Израел, Романија и Хрватска, како и за грчката Каламата.

– Среќен сум и возбуден што доаѓам во Кипар. Слушнав многу добри зборови за новиот тим и се надевам дека ќе има добра соработка. Подготвен сум да дадам сè за клубот и се надевам дека ќе ги постигнеме нашите цели за претстојната сезона – рече Илиев.