Македонскиот кошаркарски репрезентативец понуди помош за семејствата на настраданите во трагедијата во Кочани.

Дел од повредените се префрлени на лекување во Италија, и нашиот кошаркар Димитријевиќ кој преку социјалните мрежи се понуди да помогне.

– Префрлени се пациенти на лекување во Милано и Пиза – Италија, доколку има луѓе Македонци или од Балканот кои живеат во близина и се во можност да помогнат (воглавно во врска со превод и јазик), Ве молам споделете да им пружиме помош на блиските на пациентите – стои во објавата на Димитријевиќ на Инстаграм.

Воедно нашиот кошаркар напиша, што и да треба во Милано, каква било помош, слободно да го контактираат.

Димитријевиќ е моментно играч на италијанскиот клуб Олимпија од Милано.