На Светското првенство за јуниори и млади сениори до 23 години во Чешка учество земаа четири македонски кајакари по двајца од ККК.Арка-Борец Велес и Илинден 90 Скопје.

По завршувањето на првите настапи во класичните натпревари македонските кајакари успеаја да се пласираат на 32 место Кристијан Лазаров, Благој Гугинов на 42 место, Андреј Арсовски на 54 место и Матеј Василев кој не успеа да ја заврши трката.

Во тимскиот настап Лазаров, Гугинов и Арсовски успеаја да се пласираат на 12 место.

Во склоп на овој натпревар се одржа и Интернационален отворен натпревар во класик каде што учество зема Љубомир Спасиќ и успеа да се пласира на трето место.

Спасиќ имаше време од 17:07.03, зад првопласираниот Ханс Мерсманс од Белгија (16:44.39) и Џејми Кристи од Велика Британија (17:07.03). На овој натпревар имаше и учесници од Франција, Летонија, Германија и секако домаќинот Чешка.

За денеска беа најавени настапите во спринт каде што очекувањата се подобар пласман за нашиот тим.