Македонскиот репрезентативец во борење, Владимир Егоров, за прв пат во кариерата ќе настапува на Летните олимписки игри.

Егоров кој е носител на повеќе медали од големите натпреварувања, секако е македонски адут за медал. Тој нé израдува со златото на Европското првенство во Будимпешта во 2022, а истата година ја освои и бронзата на Медитеранските игри во Оран.

Првиот медал (бронзен) Егоров за Македонија беше на Европското првенство во Букурешт во 2019 година.

Впрочем и самиот Егоров, со малку среќа при ждрепката за борбите, посакува да ја збогати својата колекција.

– Како за секој спортист така и за мене врв во кариера да се учествува на Олимпијада. Покрај сите резултати што ги има зад мене посакувам да ја збогатам мојата колекција и со некој медал од Олимпијадата – вели Егоров.

Егоров на Игрите во Париз ќе настапи во категоријата до 57 кгр. (слободен стил), и тоа во првата, осминафинална, рунда на 8 август од 11.30 часот. Борбите во репасажот се закажани за 9 август (11.00 часот).

Знаменосци ќе бидат Рељиќ и Ивановски, на Игрите во Париз нема да учествува Ева Петровска