Македонскиот боксер Ален Рустемовски обезбеди финале на меѓународниот турнир „Белградски победник“ во Белград, Србија, по победата против Шпанецот Габриел Ескобар со 5:0 (30:27, 29:28, 29:28, 30:27, 29:28).

Инаку Рустемовски славеше против врвен боксер кој во својата кариера има зла медали од Европските игри во Минск 2019, Европското првенство 2018 во Ваљадолид, Медитеранските игри 2018 во Тарагона и бронза на „Странџа Куп“ во Софија.

Во недела од 17.00 часот Рустемовски ќе се бори во финалето против рускиот репрезентативец Едуард Савин.

Савин триумфираше против Французинот Хамаруи Лунес со резултат 4:1.

Овој турнир е подготовка за Рустемовски кој треба да настапи на Европското првенство за сениори кое ќе се одржи од 18 до 28 април во Белград.