Во периодот од 27-31 август во Лима, Перу се одржува Светското првенство под 20 години каде ќе настапи македонскиот атлетичар Владимир Битољану.

Битољану својот настап ќе го има во четврток во 19.05 часот, каде ќе се обиде да го собори сопствениот младински рекорд на 200 метри кој изнесува 21,64 секунди.

Заедно со Битољану на Светското првенство во Перу е и неговиот тренер Кристијан Кајчевски.

Годинава Битољану на Балканското првенство во Измир, Турција, во штафетата го освои високото четврто место заедно со Андреас Трајковски, Јован Стојоски и Огнен Стефановски (41,59 секунди).

Атлетската федерација на Македонија им посакува многу среќа и успешна трка на Владек и неговиот тренер Кристијан Кајчевски.