Младата женска репрезентација на Македонија до 19 години успеа да слави убедлива победа со 3:0 над соодветната селекција на Кипар во рамките на првиот контролен дуел одигран помеѓу овие две селекции.

Македонија одигра квалитетен натпревар, во секој сегмент од играта беше подобра и сосема заслужено оствари убедлива победа.

Јехона Велиу во 20 минута го отвори резултатот, потоа Ајна Исејни ја зголеми предноста на 2:0 во 30 минута, а потоа со својот втор гол на денешната средба во 72 минута ги постави конечните 3:0.

Вториот контролен меч, Македонија и Кипар ќе го одиграат на 6 септември во 16.30 часот на стадионот на ФК Турново, во Турново.

Македонија: Берна Кабакчи, Матеа Блажеска, Лора Сулејмани, Едина Сулејмани, Кристина Мојсоска, Миа Головска, Јехона Велиу, Ера Стеблева, Веса Села, Ајна Исејни, Симона Мејер.