Најдобрата македонска тенисерка се наоѓа на една победа од освојувањето на турнирот во чешкиот град Оломуц.

Лина Ѓорческа денеска во полуфиналниот меч со резултат 2:1 во сетови ја совлада Русинката Дарја Астахова по два часа и 12 минути игра.

Првиот сет го освои Ѓорческа со 6:2, успеа да израмни Астахова освојувајќи го вториот сет со 6:3, а во решавачкиот трет сет Македонката беше подобра со 6:3.

Противничка на Ѓорческа во финалето в недела од 13.00 часот ќе биде Сара Бејлек од Чешка која со 2:0 (6:3, 6:2) ја елиминираше Сада Нахимана од Бурунди.

Бејлек е инаку рангирана на 181 место на ВТА листата, додека нашата тенисерка е моментно на 272 место.