Македонската репрезентација во кајак спуст составена од четири натпреварувачи предводени од искусните кајакари Љубомир Спасиќ и Александар Златаров кои долги години се предводници на кајак-спустот како и големи мотиватори на младите репрезентативци Кристијан Лазаров и Благој Гугинов, ја очекува нов меѓународен настап.

Сите членови на К.К.К Арка Борец од Велес, во периодот кој претстои од 14 до 18 август ќе се натпреваруваат во индивидуални и тимски натпревари на светското сениорско и мастерс првенство во кајак спуст во градот Саберо, Шпанија.

На оваа патека во 2021 година се одржа европското сениорско првенство каде најзабележителен резултат беше шестото место во тимскиот настап постигнат од страна на Спасиќ, Небиовски и Златаров.