На меѓународниот турнир во Бања Лука, Босна и Херцеговина на кој учество земаа 600 борци од 10 држави, македонската џиу-џица репрезентација се закити со седум медали од кои три златни, три сребрени и еден бронзен.

Во категоријата У21 -56 кг. Данил Николиски го освои златниот медал, потоа во категоријата У16 +63 „златна“ е Марија Треневска, а во категоријата У14 -69 до златото дојде Матеј Нофитов.

Сребро во категоријата СЕН Ж +70 има Катерина Ацевска, а сребрен медал во категоријата СЕН -62 освои Стефан Штеријов.

Во категоријата У8 -40 Ана Ацевска дојде до среброто, а во категоријата У18 -62 Зоран Колевски до бронзата.

Македонија со вкупно 71 поен во генералниот пласман се најде на високото деветто место од 25 тимови.

За две недели нашата земја ќе ја претставува Катерина Ацевска со настап на најголемиот џиу џицу турнир за сениори во светот, Гранд При во Париз, Франција.