И во својот петти натпревар сезонава Локомотива Загреб загуби овојпат на гостувањето кај Кастамону со 25:23 во женската ракометна Лига на шампионите.

Во рамките од групата „Б“ тоа беше петти пораз за Хрватките, а прв триумф за турскиот претставнив во чии редови доминираше интернационалката од Ангола, Азенаиде Карлос.

На спротивната страна најефикасни по пет погодоци беа Посавец, Тупек и Малец, а во составот беа и трите македонски ракометарки.

Најефикасна од нив беше Леонида Гичевска со три голови, еден беше дело на Сања Дабевска, а во листата на стрелците не се запиша Андреа Седлоска.

Новата шанса за освојување на бодови Локомотива Загреб ќе ја има на 22 октомври на гостувањето кај моментно водечкиот во групата, францускиот Мец.