Барбара Поповиќ, една од топ 12 финалистите на регионалното музичко шоу „IDJ Show“, девојка со магичен глас, пред неколку денови ги воодушеви жирито и публиката со импресивната изведба на песната „Зајди, зајди“.

Како што дознава „Фокус“, на престижниот фестивал „Санремо“ во 2025 година пред публиката ќе се претстави и македонската пејачка, која во последниве години е сè поактивна на музичката сцена.

Од нејзиниот тим за „Фокус“ потврдија дека Барбара ќе биде дел од фестивалот во Италија, а откриваат дека таа има македонско-италијанско потекло, односно нејзината мајка е охриѓанка, а таткото е од Италија.

Барбара е млада пејачка која на сцената е од својата шеста година. Зад себе има учествувано на многу фестивали, како и освоени награди и признанија.

Таа се истакна со својот талент и специфичната боја на гласот, а успеа да ги освои срцата на јавноста и високо котира на листата на „IDJ Show“. Барбара на овој натпревар реши да се претстави со песната „Зајди, зајди“ , која е една од најпознатите македонски народни песни.

Таа блесна на главната сцена на шоуто, доби голем аплауз од публиката, а потоа имаше можност да ги слушне коментарите на членовите на стручното жири, раперот Реља Поповиќ, пејачката Наташа Беквалац и еден од најдобрите македонски композитори, Дарко Димитров.

ВИДЕО | Македонката Барбара Поповиќ со импресивна изведба на „Зајди, зајди“: Се расплака на сцената на „ИДJ Шоу“