Денеска во решавачкиот натпревар за првото место на меѓународниот турнир „Трофеј Карпати“ младинската машка ракометна репрезентација на Македонија загуби од домаќинот Романија со 36:32.

Во текот на првото полувреме избраниците на селекторот Раде Стојановиќ имаа предност од 9:7 и 10:8, но Романците беа тие кои водеа на паузата со 14:11.

Во вториот дел домашните ракометари ја одржуваа позитивата која во еден момент и до „плус шест“ (19:13).

Но, не се предаваа нашите надежи кои успеаја да ја намалат негативата на 27:26. Имавме и шанса да израмниме, но не успеавме да постигнеме гол преку Узунчев.

Најефикасен во нашата селекција беше Калајџиески со 10 голови. Претходно на турнирот Македонија славеше против Саудиска Арабија (39:27) и Словачка (33:23).

Овој турнир служи како подготовка за настапот на Европското првенство следната година во Словенија.