Најдобрата македонска ракометна репрезентација денеска во својот прв контролен меч пред Европското првенство триумфираше над Црна Гора.

Овој натпревар кој се одржа во Стара Пазова се играше со три полувремиња (22-17, 39-37, 15-14)

Црна Гора која исто така е учесник на следното ЕП, не настапи во најсилен состав, недостасуваа Вуко Борозан, Вук Лазовиќ, Небојша Симиќ, Никола Матовиќ и Ристо Вујачиќ.

Следуваат неколку дена пауза за македонските ракометари, а на 2 јануари ќе продолжат тренинзите.

Новите тест дуели избраниците на селекторот Кирил Лазаров ќе ги имаат во Скопје на 4 и 5 јануари против селекцијата на Грција.

На континенталниот собир сме во група со домаќинот Германија, Франција и Швајцарија. Првиот меч во рамките од групата „А“ ќе го имаме на 10 јануари во Диселдорф против француската репрезентација.