Светската ракометна федерација и официјално ја именува репрезентацијата на Македонија за прва резерва за Светското првенство кои треба да се одржи во јануари идната година во Египет.

Репрезентативците доживеаја неправда кога ИХФ одлучи да ги откаже баражите за пласман на СП во Египет поради пандемијата на коронавирусот, а каде Македонија требаше да игра против Франција.

Сега ИХФ одлучи да ја постави репрезентацијата на Македонија која имаше најдобар пласман на Европското првенство кое се играше во јануари годинава, од преостанатите селекции кои не обезбедија учество на СП.

„Во случај селекција што се квалификувакала и го потврдила учеството на СП не е во можност да учествува поради закон во државата или рестрикции при патувањето, од причини поврзани со ковид-19, ќе се случи следното: Резервна репрезентација ќе биде повикана и ќе го заземе местото на селекцијата што не е во можност да патува“, објави ИХФ и притоа ги одреди репрезентациите кои ќе бидат замени, а прва на листата е токму Македонија.

Веднаш зад избраниците на селекторот Данило Бресотвац се наоѓа Швајцарија како втора замена, потоа следи Холандија, Црна Гора е четврта замена, а тука се уште и Украина и Србија.

Доколку овој протокол беше донесен порано, Македонија веќе ќе беше еден од учесниците на ракометниот Мундијал во Егитеп бидејќи ИХФ неодамна му додели вајл-карта на Чиле иако не се одржаа јужноамериканските квалификации.