По завршувањето на собирот во Скопје, како и оној на Крит, познати се и имињата на 16 репрезентации кои ќе бидат дел од елитното младински Евробаскет во сезоната 2023/2024.

Место три, како што беше предвидено, две репрезентации од дивизијата „Б“, ќе влезат во „А“ дивизијата во оваа младинска (У20) конкуренција.

Тоа се финалистите од шампионатот во Скопје, репрезентациите на Чешка и Македонија. „Бронзената“ Украина иако третопласирана, според новата „проекција“ на ФИБА, догодина останува во „Б“ сегментот.

Основната причина е што репрезентацијата на Полска го освои претпоследното место на првенството од „А“ дивизијата, одржано на Крит, а со оглед на тоа што ќе биде домаќин на наредниот шампионат, во 2024 година, остануваат „прволигаши“.

Во понизок ранг се селат последнопласираната Естонија и Хрватска, која заврши на 14 позиција.

Наредниот шампионат во Полска, Македонија ќе игра во мошне силна конкуренција, заедно со селекциите на Франција, Израел, Грција, Белгија, Србија, Германија, Турција, Литванија, Италија, Шпанија, Словенија, Исланд, Црна Гора, Полска и Чешка.

Македонскиот репрезентативец Теодор Симиќ во најдобрата петорка на ЕП во Скопје